| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 45.35 | Dem. 45.39 (English) | >>Dem. 45.42 |
45.38τί οὖν μαθόντες ἐμαρτυρεῖθʼ ὑμεῖς ἐν προκλήσει διαθήκας , ἀλλʼ οὐκ ἐκείνους εἰᾶτε ; εἰ γὰρ αὖ μὴ φήσουσιν εἰδέναι τὰ γεγραμμένʼ ἐν αὐταῖς , πῶς ὑμᾶς οἷόν τʼ εἰδέναι τοὺς μηδαμῇ μηδαμῶς τοῦ πράγματος ἐγγύς ; τί ποτʼ οὖν οἱ μὲν ἐκεῖνα , οἱ δὲ ταῦτʼ ἐμαρτύρησαν ; ὅπερ εἴρηκα καὶ πρότερον , διείλοντο τἀδικήματα , καὶ ἐπιτροπεῦσαι μὲν κατὰ διαθήκην οὐδὲν δεινὸν ἡγεῖτο μαρτυρεῖν ὁ μαρτυρῶν , οὐδʼ ἐπιτροπευθῆναι κατὰ διαθήκην ,
45.39ἀφαιρῶν ἑκάτερος τὸ μαρτυρεῖν τὰ ἐν ταῖς διαθήκαις ὑπὸ τούτου γεγραμμένα , οὐδὲ καταλιπεῖν τὸν πατέρʼ αὑτῷ ἐπιγεγραμμένον γραμματεῖον διαθήκην , οὐδὲ τὰ τοιαῦτα · διαθήκας δὲ μαρτυρεῖν , ἐν αἷς χρημάτων τοσούτων κλοπή , γυναικὸς διαφθορά , γάμοι δεσποίνης , πράγματʼ αἰσχύνην καὶ ὕβριν τοσαύτην ἔχοντα , οὐδεὶς ἤθελε πλὴν οὗτοι , πρόκλησιν κατασκευάσαντες , παρʼ ὧν δίκαιον τῆς ὅλης τέχνης καὶ κακουργίας δίκην λαβεῖν .
ἵνα τοίνυν , ὦ ἄνδρες Ἀθηναῖοι , μὴ μόνον ἐξ ὧν ἐγὼ κατηγορῶ καὶ ἐλέγχω , δῆλος ὑμῖν γένηται τὰ ψευδῆ μεμαρτυρηκὼς οὑτοσὶ Στέφανος , ἀλλὰ καὶ ἐξ ὧν πεποίηκεν ὁ παρασχόμενος αὐτόν , τὰ πεπραγμένʼ ἐκείνῳ βούλομαι πρὸς ὑμᾶς εἰπεῖν . ὅπερ δʼ εἶπον ἀρχόμενος τοῦ λόγου , δείξω κατηγόρους γιγνομένους αὐτοὺς ἑαυτῶν . τὴν γὰρ δίκην , ἐν ᾗ ταῦτʼ ἐμαρτυρήθη , παρεγράψατο Φορμίων πρὸς ἐμὲ μὴ εἰσαγώγιμον εἶναι , ὡς ἀφέντος ἐμοῦ τῶν ἐγκλημάτων αὐτόν .
45.40
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 45.35 | Dem. 45.39 (English) | >>Dem. 45.42 |
